2. காது இந்திரிய ஒழுக்கம்.

1.

ஓமருள் வண்ணசெவி யுட்சென் றுணர்த்துமொரு தேமருவு வுண்மை தெளி.

81.

2.

கலைபல கற்றலினுங் காதாற்கேட் டுற்ற நிலையினு(ம்) நன்றுண் ணெகிழ்வு.

82.

3.

நல்லிசை கேட்டு நனிசுரந் துள்ளத்தே புல்லிநின் றன்பு புரி.

83.

4.

கொடுஞ்சொல்லும் அற்பர் குறைசொல்லும் உள்ளம் அடுஞ்சொல்லுங் கேளா தகல்.

84.

5.

துன்புற்றோர் தங்குறை துக்கந் துடைத்திட அன்புற்றுக் கேளவ ரை.

85.

6.

செவியுறா நுண்ணொலியின் செம்பொரு ளுள்ளத் தவிசிருந் தோதுந் தயவு.

86.

7.

கருவியாற் கேட்குங் ககன வொலியின் அருளாலுட் கேட்பதுண்மை யாம்.

87.

8.

வானிறைந்த ஓங்கார மன்னொலியின் முக்காரம் ஊனிறைந்த திப்பிறவி யுற்று.

88.

9.

ஒருமையிற் கேட்ட உபதேச முண்ணின்(று) இருமையுந் தந்திடும் இன்பு.

89.

10.

நாத நிலைகடந்த ஞான நிலையடைந்தார் காதாற்கேட் பாருட் கலந்து.

90.