விழுப்புரத்தில் சமரச சுத்த சன்மார்க்க சத்திய சங்க எழுச்சி மாநாடு

1. வடலூர் பெருவெளி மற்றும் வள்ளலார் தெய்வ நிலையங்கள் யாவும் வள்ளல் பெருமான் வகுத்த நெறிப்படி நடத்த வற்புறுத்தல்.


2. வடலூரில் சட்டத்துக்குப் புறம்பாகக் கைப்பற்றி விற்பனை செய்யப்பட்ட பெருவெளி நிலங்களை மீட்க அரசை வேண்டுதல்.


3. வடலூரில் தருமச் சாலையில் இயங்கி வந்த சமரச சுத்த சன்மார்க்க சங்கத்தை,  தமிழக அரசு புனரமைத்து வள்ளலாரின் தெய்வ நிலையங்களின் நிர்வாகத்தை, அதனிடம் ஒப்படைக்க கோருதல்.


4. வடலூரில் சமய மதங்கடந்த சன்மார்க்க நிலையங்களை சமய சார்புடைய இந்து அறநிலைய ஆட்சித்துறை நிர்வாகம் செய்வது முரணான செயல். எனவே தகுதியுடைய சுத்த சன்மார்க்கிகளை கொண்ட தனி வாரியம் அமைத்து நிர்வாகம் செய்ய அரசிடம் கோரிக்கை வைத்தல்.


5. விழுப்புரத்தில் சாதி, சமய இன பேதமற்ற வள்ளலார் ஒளிநெறி ஞான கோட்டம் அமைந்திட தமிழக அரசை வலியுறுத்தி வேண்டுதல்.


6. விழுப்புரம் மாவட்டத்தில் உள்ள கலைக் கல்லூரிகள் மற்றும் பள்ளிகளில் திருவருட்பா, சுத்த சன்மார்க்க தொடர்பான ஆய்வுகளை மாணவர்கள் தொடர்ந்து மேற்கொள்ள ஓர் இருக்கை அமைக்க தமிழக அரசிடம் நிதி கோருதல்.


7. வள்ளலாரின் வாழ்க்கை வரலாற்றையும், அற்புதங்களையும் தொகுத்து, தமிழ், இந்தி, ஆங்கிலம் மற்றும் பிரஞ்சு மொழிகளில் உலகத்தார் அறிய வழி செய்ய தமிழக அரசு செய்தி மற்றும் விளம்பரத் துறையால் புத்தகம் வெளியிட வேண்டுதல். மற்றும் வள்ளலார் தன் உயிரினும் மேலாக கருதிய நம் தாய் மொழி தமிழை சுத்த சன்மார்க்கிகளாகிய நாம் பாதுகாக்க வேண்டிய அவசியத்தை வலியுறுத்துவது.

Sathu Sivaramanar