பற்பாடகம் முழுத் தாவரமும் கைப்புச் சுவையும், வெப்பத் தன்மையும் கொண்டது. மலமிளக்கும்; பசியைத் தூண்டும்; வியர்வையைப் பெருக்கும்.

உடலைத் தேற்றும்; காய்ச்சல் தணிக்கும்; உடல் வெப்பத்தைக் குறைக்கும்; அழுகலகற்றும்; தாகம், பித்த நோய்களை போக்கி கண்களுக்கு குளிர்ச்சி உண்டாக்கும்.

நேராக வளரும் மிகச் சிறு செடி வகைத் தாவரம். 1 ½ அடி வரை உயரமானது. மென்மையானது. மிகவும் மென்மையான கம்பி போன்ற பல கிளைகளைக் கொண்டது.

வேர்கள், தடித்தவை; சிவப்பு நிறமானவை; இலைகள் நீண்டு மெலிந்த ஊசி போன்றவை. வெண்மை நிறமான சிறு பூக்களை நுனியில் தொகுப்பாகக் கொண்டவை.

விதைகள் சிறியவை. முட்டை வடிவமானவை. சொரசொரப்பானவை. தாவரத்துடன் நீரைச் சேர்த்துக் கசக்கினால் வழவழப்பான சாறு கிடைக்கும்.