சாகாக் கலை, வேகாக் கால், போகாப்புனல்.

சுவாமி சரவணானந்தா.

     ஆன்மாவுக்குத் திரிதேக சித்தி வாழ்வு வழங்கவே, அருள் ஆண்டவர் மகா பிரபஞ்ச காரியத்தை ஆதி முதல் நடத்தி வருகின்றார்.

     உண்மையில் கடவுளே தன் இயல் உண்மை நிலையை ஒவ்வொரு ஆன்ம அணுவிலும் அக அருள் ஞானானுபவம் உண்டாக, அதற்குள்ளிருந்து உயிர்ச் சக்தியை வெளிப்படுத்தி, அது விளங்கத் தேகாதி பிரபஞ்ச வடிவை வளர்த்து வருகின்றார். இதனால் கொஞ்சம் கொஞ்சமாக, ஒவ்வொரு பிறவியாகிய தேகச் சூழலிலும் புலன் உணர்வு, மன அறிவு, ஆன்ம ஞானம் முறையாக வளர்ந்து வருகிறது. ஆன்மாவின் அகத்தில் நித்திய நிறைவாகியுள்ள அருட்பெருஞ் ஜோதியினின்றே ஒவ்வொரு பிறவியிலும், உடல் உயிர், ஞானம் வெளிப்பட்டு வளர்வதும், உட்சுருங்கிக் கிடப்பதும், மேல் அடுத்து வரும் பிறவியில் தொடர்வதுமாய் இருக்கிறது. இவ்வுண்மை விளக்குவனவே, சாகாத்தலை, வேகாக் கால், போகாப் புனல் ஆம்.

1. சாகாத் தலை – தலை என்பது ஞானம். இது பிறவி தோறும் தொடர்ந்து விளைவு கொள்ளலின் சாகாத் தலையாகக் கூறப்படுவது. இதுபோல்

2. வேகாக் கால் – என்பது அழியாத ஜீவனாகிய உயிர்க் காற்றாம். இதுவும் ஆன்மாவிலிருந்து விரிந்து (ஜீவிய காலத்தில்) விளங்குவதும் மரணத்தினால் சுருங்கி மறைவதுமாய் உள்ளதாம்.

3. போகாப் புனல் – அமுத நன்னீராக அகத்திலே இருந்து, உயிர் விளங்க, உயிர் உடல் வளரப் புற பூத உடம்புக்குக் காரணமாய் உள்ளதாம்.

      நிறை விளைவில் இவை மூன்றும் அழியாத ஞான பிரணவ சுத்த உடம்பாகி ஆனந்த வாழ்வில் நிலவும்.
 
      மனிதப் பிறவியில்தான் பக்குவத்தே இம்மூன்றும் வெளியாம். மற்றபடி எப்பொருளிலும், எவ்வுயிரிலும்
இவை மறைமுகமாகவே விளைந்து வருவனவாம்.