தயவுக்குறள்.

சுவாமி சரவணானந்தா.

எழுபதாம் அதிகாரம்.

சுத்த இன்ப நிலை.

குறள் விளக்கம்

அக நிலையிலிருந்து தயவாலே பிறர்க்கு உயிர் விளக்கமும், அறிவு விளக்கமும் செய்து செய்து அகமகிழ்ந்திருப்பதுவே உண்மையான இன்பம்.

அவ்வக நிலை நீங்கி, பொறி புலன் நிலையில் பொருந்தி புறத்தே இருந்து பொருட் போகத்துறுகின்ற விடய சுகங்கள் யாவும் இன்பானுபவம் அல்லம். மாயா போகமே. அவற்றால் உயர்வில்லை. தாழ்வே யுண்டாம். ஆகையால், தேக போகத்தில் பற்றின்றி அகத் தயா இன்ப அனுபவத்திலே ஓங்குதல் வேண்டும்.