தயவுக்குறள்.

சுவாமி சரவணானந்தா.

ஐம்பதாம் அதிகாரம்.

அகக் கல்வி நிலையம்.

குறள் விளக்கம்.

ஆன்மானுபவம் பெறத் தகுந்த மாணவனுக்கு, அவ்வான்ம ஆலயமே, புத்தகாலயமாக, கலாநிலையமாக உள்ளதாம். அவன் ஓதும் நூலோ அகில உலக உயிர்ப் பொருள்களேயாம்.

நூன்மா நிலையமா நோக்கு = மா நூல் நிலையமாகக் கண்டு கொள்க.

பிரணவமாகிய அருள் இயற்கையை உணர்ந்து, ஆன்ம வடிவம் தன் உருவாய் நிற்கும் ஒருவனே இங்கு குறிக்கப்படும் மாணவன். அகக் கல்வி நிலையத்தில் இருந்து கற்கும் இம்மாணவனுக்கு புறத்துள்ள உலகப் பிரபஞ்சம் முற்றுமே பெருநூல் நிலையமாக உள்ளதாம்.