அதற்கென இடம் தேடித்திரிந்த போது, அந்த ஊருக்கு வெளியே சுமார் 2 கி.மீ. தூரத்தில் மலை அடிவாரத்தில் ஷ்ரீடி சாய்பாபாவுக்கு திரு வாசுதேவன் என்பவர் ஆலயம் கட்டி வந்தார். அவர், விஜயனது முயற்சிக்கு உதவி செய்து, அதே மலை அடிவாரத்திலேயே இலவசமாக நிலமும் கொடுத்தார். பூமி பூஜை 4/9/2008 அன்று நடைபெற்றது. அன்று, மேற்படி சோளிங்கருக்கு அருகாமையிலிருந்த பொதட்டூர்பேட்டையிலிருந்து திரு கண்ணப்பன் VAO வந்து பூமிபூஜையில் கலந்து கொண்டார். அன்றைய தினம் வள்ளலார் ஆர்க் பெளண்டேஷன் மேனேஜிங் ட்ரஸ்டியிடமிருந்து திரு அருட்பா ஆடியோ சி.டி.கள் ஒரு சிலவற்றையும் அவர் வாங்கிச் சென்றார்.

அவரது கோரிக்கையின்படி 22 ஆடியோ சி.டி.கள் அவருக்கு தபாலில் அனுப்பி வைக்கப்பட்டன. பொதட்டூர் பேட்டையில் எப்படி சங்கச் செயல்பாடுகள் உள்ளன என்று அவரை வினவிய போது, குறிப்பாக சன்மார்க்க சங்கத்தில் உள்ளூர் பெண்மக்கள் பெரும்பங்கு கொள்கின்றனர்.

மேலும், சன்மார்க்க அன்பர்களின் அன்னதானப் பணியினைப் பார்த்து விட்டு, அந்த ஊரில் இயங்கி வரும் கிறிஸ்துவ அமைப்பிலிருந்தும் கூட அன்னதானப் பணிகளுக்கு அவர்களால் இயன்ற அளவு பொருள் உதவி செய்து வருகின்றனர் என திரு கண்ணப்பன் தெரிவித்தார்.

அவரது பணி சிறக்கவும், அந்த ஊரில் வள்ளற் பெருமான் வகுத்துத் தந்த சுத்த சன்மார்க்க நெறி மென்மேலும் தழைத்து ஓங்கிடவும் அருட்பெருஞ்ஜோதி ஆண்டவர் தனது கருணை மழையினைப் பொழியும்படி அனைவரும் வேண்டுவோம்.