அந்த விழா நிகழ்ச்சிகளில் பங்கேற்க, ஆந்திர மாநிலம் சித்தூரைச் சேர்ந்த சன்மார்க்க அன்பர்கள் 10 பேர் வந்திருந்தனர். அவர்களிடம் விசாரித்தபோது, தாங்கள் தமிழ் நாட்டில் நடைபெறும் இந்த விழாவிற்கு, 4-வது முறையாக வருகின்றோம். இங்கு வந்து கலந்து கொள்வதில் எங்களுக்கு புத்துணர்ச்சி கிடைக்கின்றது. இதுபோன்ற விழாக்களில் நாங்கள் கலந்து கொள்வதன் மூலம் எங்களுக்கு அவர்கள் அடைந்த அருள் அனுபவங்கள் தெரிய வருகின்றன. நாங்களும் இத்தகைய அருள் அனுபவம் அடைவதற்கு இவை பெரிதும் துணை புரிகின்றன என்றனர்.

நாங்கள், வள்ளற் பெருமானின் கொள்கைகளைப் பரப்புவதற்கு, ஞானசபை கட்டி சன்மார்க்க விழா நடத்த இருந்தோம். அப்போது அந்த ஏரியாவில் கார்ப்பரேஷன் தண்ணீர் சப்ளை கிடையாது. விழா வைத்து விட்டோமே. தண்ணீர்த் தேவைக்கு எங்கு செல்வது என ஆதங்கப்பட்டு, வள்ளற் பெருமானிடம் வேண்டி நின்றோம். திடீரென எதிர்பார்க்காத அதிசயம் நடந்தது. தண்ணீர் அந்த விசேஷத்திற்கு வந்தது. எல்லாம் அருட்பெருஞ் ஜோதி ஆண்டவரின் அருட் செயலே என எண்ணினோம்.

நண்பர் ஒருவருக்கு உண்ட உணவு நஞ்சாக மாறியது (food poison). அருட் பெருஞ்ஜோதி மகா மந்திரம் 3 நாட்களுக்கு சன்மார்க்க அன்பர்களால் ஜெபிக்கப்பட்டு, நண்பர் நலம் பெற்றெழ வேண்டிக் கோரிக்கை தெரிவிக்கப்பட்டது. அன்பர்கள் அனைவரும் உளமுருக அருட்பெருஞ்ஜோதி ஆண்டவரை வேண்டி நின்றோம். நண்பர், மூன்று நாட்கள் கழித்து, பூரண நலம் பெற்றெழுந்தார். அருட்பெருஞ்ஜோதி ஆண்டவரின் அருள் ஆற்றலை எங்ஙனம் சொல்வது என்று வியந்தோம்.

இங்கு வந்துள்ள அன்பர்கள் சார்ந்துள்ள சங்கங்களின் பெயர் விபரம்.

சங்கங்களின் பெயர்.

ஜீவகாருண்ய சங்கம் அமைந்துள்ள தெருவிற்கு பெயரே அன்னதான சாலை என வைத்துள்ளனர். மிகவும் பழமை வாய்ந்தது. அதனை தற்போது துரை முருகன் என்பவர் நடத்தி வருகின்றார்.

காஞ்சீபுரத்திலிருந்து அவர்களது சங்கம் சுமார் 160 கி.மீ தூரத்தில் உள்ளது.

இந்த சங்கங்களுக்கு, காஞ்சீபுரத்திலிருந்து அன்பர் திரு குமார காளத்தி – சுமார் 55 வயதானவர். (செல். 97895 84151) அவர், அங்கு கடந்த 2 ஆண்டுகளாகச் சென்று மாதம் ஒரு முறை சன்மார்க்க வகுப்பு நடத்தி வருகின்றார். அவர் கடந்த 16 ஆண்டுகளாக துறவு நிலை பூண்டு செயல்பட்டு வருகின்றார்.

அந்த சன்மார்க்க வகுப்பில் வள்ளலாரின் உரை நடை, தியானம் மற்றும் மருத்துவம் குறித்து போதிக்கப் படுகின்றது.

வாரம் 1 நாள், தொழு நோயாளிகள் உள்ள ஆஸ்பத்திரிக்கு நேரில் சென்று, இந்த சன்மார்க்க சங்கத்தைச் சேர்ந்த அன்பர்கள் அன்னதானம் செய்து வருகின்றனர். இதற்கு அந்த ஏரியாவைச் சேர்ந்த பழனி, மற்றும் ஆட்டோ டிரைவர் திரு கிருஷ்ணன் ஆகியோர் உதவி செய்து வருகின்றனர்.

இவர்கள் சுத்த சன்மார்க்கத்தைப் பயின்று எந்தெந்த விதத்தில் எல்லாம் தயவுச் செயலைச் செயல்படுத்தி வருகின்றனர். கேட்பதற்கே மிகவும் சந்தோஷம் தரும் நிகழ்ச்சி இதுவாகும்.

அருட்பெருஞ்ஜோதி ஆண்டவர், இந்த அன்பர்களின் பணி தொய்வுறாது தொடர்ந்து நடக்க நல்லருள் பாலிக்க வேண்டுவோமாக.