ஏற்கனவே கேட்டுக் கொண்டபடி, மேற்படி நிறுவனத்தின் இயக்குநர் அவர்கள், அங்கு பயிலும் மாணவர்கள், மாணவியர்கள் ஆகியோர்களை, இச் சிறப்புக் கூட்டத்தில் கலந்து கொள்வதற்காக கூட்ட அரங்கினில் ஒருங்கிணைத்து வைத்திருந்தார்.

அதேபோல், அங்கு வசிக்கும் முதியோர் இல்லத்தைச் சேர்ந்த ஆதரவற்றவர்களும், அந்தக் கூட்ட அரங்கினில் வருகை புரிந்திருந்தனர்.

பயிலும் மாணவ மாணவியர்

இந் நிறுவனத்தில் பணி புரியும் ஆசிரியைகள்.

திரு ஏ.ராமானுஜம், வள்ளலார் ஆர்க் பெளண்டேஷன். நாராயணபுரம், மதுரை.கூறியதாவது.

திரு முரளீதரன், அருள் ட்ரஸ்ட் நிறுவனர். மதுரை.கூறியதாவது.

இறைவன், அருட்பெருஞ்ஜோதியாக உள்ளார். எல்லாக் கோயில்களும், மனித வடிவத்தை ஆதாரமாக வைத்தே நிர்மாணிக்கப் பட்டுள்ளன. அதனினும் ஞானம் விளங்கும் இடமாக, வள்ளற் பெருமான், கழுத்துக்கு மேலே தலை நடுவில் இறைவன் விளங்கும் இடமாகக் குறிப்பிட்டுள்ளார். அதனை அனைவரும் அறிவதற்காகவே சத்திய ஞான சபையைக் கட்டுவித்தார். முதலில் ஏழைகள் பசியாறுவதற்கு வசதியாக, தர்மச்சாலையைக் கட்டுவித்தார். பின்னர், வடலூரில், சத்திய ஞான சபையைக் கட்டுவித்தார். எல்லோரும், அவர் சொன்ன ஒழுக்க விதி முறைகளை தமது வாழ்வில் கடைப்பிடித்தால், இறைவனை அடைவது எளியது என்றார். அதிகாலை நேரத்தில் இவ் வுலகத்தைச் சுற்றி 3.30 மணியிலிருந்து காலை 6.00 மணி வரை அமுதக் காற்று சுற்றி வருகின்றது. அவ் வேளையில், இறைவனைப் பற்றி சிந்தித்து, இறை அருளைப் பெற முயற்சிக்க வேண்டும் என்றார். கொல்லாமை விரதத்தை அனைவருமே கடைப்பிடிக்க வேண்டும் என்பதை விளக்கினார்.

செல்வி லலிதா மணி, ரயில்வே காலனி, மதுரை.கூறியதாவது.

மனிதனுக்கு பசி வந்தால், பத்தும் பறந்து போய்விடும். புலன் மயக்குறும். எனவே, வள்ளற் பெருமான், ஏழைகளின் பசியாகிய தீயை அணைப்பதன் மூலம், ஒவ்வொரு மனிதனும் தனது வாழ்வில், ஜீவகாருண்ய நெறியில் செல்லலாம் என்றார். மற்ற மற்ற ஞானிகள் சொன்னதிலிருந்து, வித்தியாசமாக, தாமே, அதற்கு சான்றாக வள்ளலார் வாழ்ந்து காட்டினார். நாம் அனைவரும், நாகரீகத்தை வாழ்வில் உடனே கடைப்பிடிக்கின்றோம். ஆனால், ஆன்ம ஞானிகள் சொன்ன ஒழுக்க நெறிமுறைகளைப் பின்பற்றுவதில், மிகவும் பிந்தங்கியே உள்ளோம். நாகரீகம் முன்னேற்றம் கண்டது போல, ஆன்மீக வளர்ச்சி அடைய வேண்டியதற்கான முயற்சியினை அனைவரும் மேற்கொள்ள வேண்டும். எனவே, கொலை, புலை தவிர்த்து வாழ்தலே உண்மை வாழ்வு எனவும். அதனை இந்த நிறுவனத்தில் பயின்று வரும் அனைவரும், தவறாமல் கடைப்பிடிக்க வேண்டும் எனவும் கேட்டுக் கொண்டார்.

திரு பாலமுருகன், திருநகர், மதுரை.கூறியதாவது.

கடந்த 3 ஆண்டுகளுக்கு முன் ஒரு ஆசிரியராக பணி புரிந்தேன். வள்ளல் பெருமானின் நெறிகள் எனக்கு மிகவும் பிடித்திருந்தன. எனவே, ஆசிரியப் பணியினன விட்டு விட்டு, வள்ளலாரின் நெறிகளை நான் பின்பற்றி நடக்கின்றேன். எனது வாழ்வில் தற்போது, பெரும் மாற்றத்தைக் கண்டுள்ளேன். உடல் அளவிலும், உள்ளத்தளவிலும் இந்த மாற்றத்தினை நான் உணர்கின்றேன். நமக்குள்ளே நாம் நமது குடும்பம் என்ற சுருக்கமான வட்டத்திற்குள்ளேயே நெடுங்காலமாக இருந்து வருகின்றோம். அதனை விடுத்து, நம்மால், இந்த சமுதாயத்திற்கு என்ன உதவி செய்தோம் என்பதை சிந்திக்க வேண்டும். நம்மைக் காட்டிலும், வாழ்க்கை வசதிகளில் மிகவும் பின் தங்கியவர்களுக்கு, நம்மால் ஆன உதவிகளைச் செய்ய வேண்டும். அவ்விதம் செய்யச் செய்ய, இறைவனின் பெருங்கருணை நமக்குக் கிடைக்கும். அனைவரும் கொல்லா நெறியைத் தமது வாழ்வில் தவறாமல் கடைப்பிடிக்க வேண்டும்.