10. திருமுல்லைவாயில் திருவிண்ணப்பம்

( 663 ) தாயின் மேவிய தற்பர மேமுல்லை

வாயின் மேவிய மாமணி யேஉன்தன்

கோயின் மேவிநின் கோமலர்த் தாள்தொழா

தேயின் மேவி இருந்தனன் என்னையே

 

( 664 ) தில்லை வாய்ந்த செழுங்கனி யே திரு

முல்லை வாயில் முதல்சிவ மூர்த்தியே

தொல்லை யேன்உன்தன் தூய்திருக் கோயிலின்

எல்லை சேரஇன் றெத்தவம் செய்ததே

 

( 665 ) வளங்கொ ளும்முல்லை வாயிலில் மேவிய

குளங்கொ ளும்கண் குருமணி யேஉனை

உளம்கொ ளும்படி உன்திருக் கோயில்இக்

களங்கொள் நெஞ்சினன் கண்டதும் கண்டதே

 

( 666 ) மலைவி லாமுல்லை வாயிலில் மேவிய

விலையி லாமணி யேவிளக் கேசற்றும்

குலைவி லாதவர் கூடும்நின் கோயிலில்

தலைநி லாவத்த வம்என்கொல் செய்ததே

 

( 667 ) சீர்சி றக்கும் திருமுல்லை வாயிலில்

ஏர்சி றக்கும் இயன்மணி யேகொன்றைத்

தார்சி றக்கும் சடைக்கனி யேஉன்தன்

ஊர்சி றக்க உறுவதெவ் வண்ணமே

 

( 668 ) சேல்கொள் பொய்கைத் திருமுல்லை வாயிலில்

பால்கொள் வண்ணப் பரஞ்சுட ரேவிடை

மேல்கொள் சங்கர னேவிம லாஉன்தன்

கால்கொள் அன்பர் கலங்குதல் நன்றதோ

 

( 669 ) வண்ண மாமுல்லை வாயிலின் மேவிய

அண்ண லேஅமு தேஅரை சேநுதல்

கண்ண னேஉனைக் காணவந் தோர்க்கெலாம்

நண்ண ருந்துயர் நல்குதல் நன்றதோ

 

( 670 ) மண்ணின் ஓங்கி வளர்முல்லை வாயில்வாழ்

கண்ணுன் மாமணி யேகரும் பேஉனை

எண்ணும் அன்பர் இழிவடைந் தால்அது

பண்ணும் நின்அருள் பாரிடை வாழ்கவே

 

( 671 ) தீதி லாததி ருமுல்லை வாயில்வாழ்

கோதி லாதகு ணப்பெரும் குன்றமே

வாதி லாதுனை வாழ்த்தவந் தோர்தமை

ஏதி லார்என்றி ருப்பதும் என்கொலோ

 

( 672 ) தேசு லாவிய சீர்முல்லை வாயில்வாழ்

மாசி லாமணி யேமருந் தேசற்றும்

கூசி டாமல்நின் கோயில்வந் துன்புகழ்

பேசி டாத பிழைபொறுத் தாள்வையே

Sponsored by VallalarOrg Foundation

Mr. SenthilDas - Playback Singer

Mr.Sathish Varshan - Keyboard

Mr. Natraj - Flute

Mr.Kannan - Elec.Rythem Pad

Mr.Venkatesh - Tabala, Tavil.